Një ditë pas certifikimit të rezultateve të zgjedhjeve të 9 shkurtit, gjë e cila i hap rrugë krijimit të institucioneve të reja, ambasadori britanik Jonathan Hargreaves ka takuar kryeministrin në detyrë Albin Kurtin.
Në njoftimin e ZKM-së, tregohet se në takim ata kanë folur për hapat drejt formimit të qeverisë së re, shkruan InfoSot.
Roli i rëndësishëm i Mbretërisë së Bashkuar në Kosovë dhe në Ballkanin Perëndimor, rëndësia e forcimit dhe thellimit të mëtejmë të marrëdhënieve dypalëshe dhe rritja e bashkëpunimit në fushën e mbrojtjes, si dhe hapat drejt formimit të qeverisë pas certifikimit të rezultatit të zgjedhjeve, ishin ndër temat e diskutimit.
Pos kësaj, ambasadori britanik ka uruar Kurtin edhe për njohjen e pavarësisë së Kosovës nga Kenia.
Komunikata e plotë:
Kryeministri Kurti mirëpriti Ambasadorin e Mbretërisë së Bashkuar në Kosovë, Jonathan Hargreaves
Kryeministri i Republikës së Kosovës, Albin Kurti, mirëpriti sot në takim Ambasadorin e Mbretërisë së Bashkuar në Kosovë, Jonathan Hargreaves.
Roli i rëndësishëm i Mbretërisë së Bashkuar në Kosovë dhe në Ballkanin Perëndimor, rëndësia e forcimit dhe thellimit të mëtejmë të marrëdhënieve dypalëshe dhe rritja e bashkëpunimit në fushën e mbrojtjes, si dhe hapat drejt formimit të qeverisë pas certifikimit të rezultatit të zgjedhjeve, ishin ndër temat e diskutimit.
Ambasadori Hargreaves e uroi Kryeministrin për njohjen nga shteti i Kenias.
Kryeministri Kurti e falënderoi ambasadorin Hargreaves për mbështetjen e vazhdueshme të Mbretërisë së Bashkuar dhe bashkëpunimin e ngushtë.
