Në një mjedis ku inovacioni është në majat e lulëzimit, kompanitë synojnë të sjellin në treg produktet dhe shërbimet më inovative për të zgjidhur problemet më komplekse, si sociale ashtu edhe ato ekonomike.
Këtë të Premte (06 maj), në ora 19:00, tregut tonë dhe atij Zvicran po i shtohet një produkt i ri dhe inovativ – Swinto.
Ky produkt që funksionon si platformë financiare, do të ofrojë transfere fondesh dhe pagesa të menjëhershme, të sigurta dhe pa kosto, si dhe konvertime valutore e transaksione me para të gatshme me kosto preferenciale për klientët në Kosovë dhe Zvicër.
Lansimi i platformës do të bëhet gjatë eventit online “Swinto Special Event Keynote 2022”, i cili do të transmetohet në të gjitha rrjetet sociale të kompanisë.
Si një kompani e re FinTech, e licencuar nga Banka Qendrore e Kosovës si IFJB, Swinto do të funksionojë si një ekosistem në të cilin do të përfitojnë të gjithë pjesëmarrësit, përfshirë bizneset e të gjitha llojeve, të cilat do të përfitojnë një klientelë të re, një ndërlidhje mes tyre, dhe do të identifikohen me trendin e transformimit financiar dhe kontributit të gjerë ndaj shoqërisë.
