Pavarësisht të gjitha përshtypjeve pozitive që mori Nexus 6P kur u lançua, as telefoni i krijuar nga Google në bashkëpunim me Huawei-n nuk i ka shpëtuar ankesave. Pas skandalit të “deformimit”, ku Nexus 6P u torturua në mënyra të ndryshme për të treguar se nuk është telefoni më i mirë i krijuar deri tani, ka filluar të shfaqet një tjetër problem.
Disa përdorues të Nexus 6P janë ankuar tek forumi i Google-it se telefoni ka probleme me mikrofonin. Më saktësisht, ata ankohen se njerëzit me të cilët flasin nuk mund t’i dëgjojnë mirë. Ky problem ndodh si në thirrje telefonike të zakonshme, ashtu edhe në bisedat me video, si Hangouts.
Samsung është informuar mbi çështjen, kështu shpresojmë që ta rregullojë sa më shpejt problemin.
