42-vjeçarja Nexhmie Haradini nga fshati Stanoc i Vushtrrisë, u privua nga jeta dje.
Ajo u qëllua për vdekje nga ish-pronari i biznesit 58-vjeçari Arsim Morina ku punoi vetë e ndjera.
Mësohet se Nexhmia, bashkë me bashkëshortin e saj, ka qenë punonjëse në furrën “Diellza” në Miloshevë për rreth 7-8 vjet.
Të dy, bashkërisht kishin vendosur të shkëpusnin marrëdhënien e punës në furrën “Diellza”.
Në kushte anonimiteti familjarët kanë rrëfyer se Nexhmia kishte filluar punën e re para 4-5 ditësh, jo shumë larg nga vendi i mëparshëm i punës ku ka shërbyer për disa vjet rresht deri para 3 muajsh.
Familjarët thonë se janë në gjendje të rënduar dhe bëjnë me dije se po presin kufomën nga Instituti i Mjekësisë Ligjore për të kryer procedurat e varrimit.
Nexhmija ka lënë pas bashkëshortin dhe tre fëmijë: dy vajza dhe një djalë.
