Gazeta prestigjioze New York Times ka raportuar për vdekjen e aktivistit të Lëvizjes Vetëvendosje, Astrit Dehari, në burgun e Prizrenit, njofton Klan Kosova.
“Opozita kosovare skeptike rreth vdekjes së përkrahësit të tyre të arrestuar”, është titulli për lajmin që ka vendosur NYT.
Gazeta përmend edhe faktin se për vdekjen e Deharit u dhanë disa variante duke e bërë atë edhe më të dyshimtë.
New York Times citon kryetarin e Lëvizjes Vetëvendosje, Visar Ymeri, duke thënë se “vdekja e Astrit Deharit është përgjegjësi e drejtpërdrejtë e shtetit, sepse Astirit vdiq derisa po mbahej në burg dhe se ai, por edhe të tjerët po terrorizohen nga akuza të pabaza”.
