Ministria e Infrastrukturës do të mbajë nesër ceremoninë e inaugurimit të fillimit të punimeve për ndërtimin e Autoudhës “Prishtinë – Gjilan – Dheu i Bardhë”.

Sipas njoftimit të Ministrisë së Infrastrukturës, ceremonia inauguruese e fillimit të punimeve për ndërtimin e Autoudhës “Prishtinë – Gjilan – Dheu i Bardhë”, mbahet në vigjilje të “Betejës së Zhegocit”, në të cilën u vranë tetë ushtarë të UÇK-së dhe 18 civilë.

Ceremonia do të mbahet në Zhegoc të Gjilanit, me fillim nga ora 11:30.

Të dashur qytetarë të Anamoravës,

Taksat tuaja jo gjithëherë janë përkthyer në investime ku ju i shihni e prekni në çdo kohë e për çdo ditë. Durimi dhe sjellja qytetare që Anamorava ka treguar çdo herë, janë dëshmia më e mirë sesa shumë institucionet e Kosovës ju kanë borxh.

Autostrada Prishtinë – Gjilan – Dheu i Bardhë, po bëhet realitet. Në virgjilie të “Betejës së Zhegocit”, në përkujtim të të rënëve për liri, Ministria e Infrastrukturës mbanë ceremoninë e inaugurimit të fillimit të punimeve për ndërtimin e Autostradës.

Andaj, ftoheni të merrni pjesë në këtë ngjarje me rëndësi të madhe për Anamoravën dhe gjithë Kosovën.

Data: 15 Prill 2018 (e diele)

Ora: 11:30
Vendi: Zhegoc
Me respekt,
Rexhep Kadriu