Ballë për ballë me Shkodran Gajrakun në emisionin Ora e Fundit ishte Izet Morina, asambleist i PDK-së në Malishevë.
Ai ka sqaruar arsyen e shprëndarjes së fotomontazheve në Facebook-un e tij ku bëhet fjalë për një lajmërim të montuar për vdekjen e deputetit Albin Kurti dhe një tjetër lajmërim për vdekjen e Lëvizjes Vetëvendosje.
“Ajo nuk qëndron që unë e kërkoj vdekjen e personit në fjalë dhe të askujt tjetër por ajo ka qenë krejt spontane, unë rasisht e kom pa postimin në Facebook dhe e kam shprëndarë, kjo ka qenë arsyeja”.
“Unë nuk e kam bërë me qëllimin që i kërkoj vdekjen dhe aq më pak që siç e kam parë në disa portale që unë kërkoj vrasjen e Albin Kurtit”.
E shprëndarjen e këtyre fotografive ai e arsyeton me mospëlqimin e politikave të Albin Kurtit.
“Politikat e Kurtit për mendimin tim nuk nevoitet me shpenzu mendime se po shihen veprimet e tij që ai po i bën si në parlament ashtu edhe në kundërshtimin e çdo institucioni”.
Megjithatë ai nuk e sheh të nevojshme që t’i kërkojë falje Albin Kurtit.
“Nuk ma merr menja që Albini është shqetësuar për këto postime dhe unë prap e potencoj se kam bërë për kërcënim dhe as që e dëshiroj vdekjen e tij”.
