Fotot e masipërme paraqesin momentet e fundit të jetës së Thomas Evans, britanikut 25-vjeçar të konvertuem në mysliman, e të vramë para pak ditësh nga ushtria keniane.
Evans, i njoftun me pseudonimin “Bisha e Bardhë” po filmonte shpërthimin e zjarrit në nji lokalitet të Kenias, kur u qëllue për vdekje, bashkë me 10 xhihadistë të tjerë.
Ai ishte konvertue në mysliman në vitin 2010, e vetëm nji vit ma vonë u ishte bashkue grupit terrorist Al-Shabaab në Somali, bashkë me 50 bashkëqytetarë të tjerë britanikë nga Buckinghamshare.
Fotot janë marrë nga xhirimet që janë gjetë ndërmjet disa videove që kishte realizue numri 2 i grupit terrorist e njiherit kameraman i tyne – britaniku Thomas Evans, që e kishte ndrrue emnin në Abdul Hakim.
Ai u vra 11 ditë ma parë në Baure të lokalitetit Lamu në Kenia.
Dyshohet se ai ishte pjesmarrës i nji sulmi mizor në nji fshat aty afër, ku vitin e kaluem u masakruen 70 persona.
Nga ana tjetër, familja e tij – e ama dhe vllau – kanë folë për disa media britanike, tue kërkue prej autoriteteve përse nuk kanë veprue me kohë, qysh se emni i tij u shfaq në grupin e autorëve të masakrës së nji viti ma parë.
