Ai thotë se në këtë rast kanë të bëjnë me krim të organizuar nga gjyqësia, prokuroria, klani ‘Pronto’ dhe media.
Gjatë konferencës, ai paraqiti me sllajd lidhjet mes drejtorit për antiterrorizëm në Polici me PDK-në dhe RTK-në, të cilët sipas tij po e sulmojnë VV-në.
“Ne besojmë fuqishëm se ne jemi akuzuar për akte terroriste duke mos pasur fare dëshmi, me qëllim që agjensionet ndërkombëtare me pas qasje ne komunikimet e Vetëvendosjes. Kjo është e vetmja arsye që u është dashur kjo akuzë. Kjo është përpjekje e pushtetit për ta kontrolluar dhe luftuar në mënyrë të organizuar VV-në. Këtu kemi një pushtet kriminal autoritar që donë ta shuaj Lëvizjen Vetëvendosje”, tha Molliqaj.
Lidhur me riprocedimin e Demarkacionit në Kuvend, Molliqaj ka pohuar se për ata si Vetëvendosje, Demarkacioni ka vdekur si projekt me këtë formë dhe përmbajtje.
“Nuk ka forcë as pushtet që mund ta imponoj faljen e tokës. Ky demarkacion asnjëherë nuk do të kalojë në kuvend. Kjo qeveri do te obligohet te jap dorëheqje sepse në Kosovë nuk do te këtë qetësi publike”, deklaroi Molliqaj.
