Shpenzimet e udhëtimit zyrtar brenda dhe jashtë Kosovës thuhet të kenë shënuar rritje gjatë mandatit të Qeverisë Kurti.
Sipas një publikimi nga FrontOnline thuhet se nga viti 2021 e deri në fund të qershorit 2024, shpenzimet e tilla kanë arritur shumën e përgjithshme prej më shumë se 31 milionë euro.
Sipas raporteve të buxhetit, të përgatitur nga Ministria e Financave, shpenzimet e udhëtimit për gjashtë mujorin e parë të vitit 2024 kanë shkuar në 5.25 milionë euro, apo 12% më shumë se në periudhën e njëjtë të vitit të kaluar.
E në lidhje me këtë ka reaguar ministri i Financave, Hekuran Murati i cili është munduar që të sqarojë këtë situatë duke përfshirë “trajnimet e Forcës së Sigurisë e Mbrojtjes”.
Ai madje mediat i quajti “qepuese” në lansimin e këtij raportimi.
Reagimi i plotë:
Tema e sotme e mediave qepuese qenka dezinformimi me lajme të rreme për shpenzimet për udhëtime jashtë vendit.
Për të njëjtën temë, dhe pikërisht për të njëjtën arsye – plasim i rrenës – mu desh t’i reagoja ditë më parë edhe deputetit Haradinaj.
Në foton e parë e keni nivelin e shpenzimeve për udhëtime zyrtare jashtë vendit, për të gjitha institucionet – Qeveria, Komunat, Kuvendi, institucionet e pavarura etj.
Në foton e dytë e keni nivelin e shpenzimeve vetëm për Qeverinë. E ku rritja kryesore vjen si rezultat i dërgimit në trajnime të forcave të sigurisë e mbrojtjes.
