Ministri i Punëve të Jashtme Hashim Thaçi ka pritur në takimi ministrinë e Punëve të Jashtme të Austrisë Sebastian Kurz.
Kurz ka thënë se e përkrah politikën e Kosovës, mirëpo ai nga Prishtina bëri apel që të ndalet dhuna e ushtruar nga opozita.
“E dimë që jeni në një pozitë të vështirë, i kemi parë dritaret e thyera të ndërtesës së Qeverisë, e dua të them këtu shumë qartë e ti bëj apel të gjithëve që të heqin dorë nga dhuna e të përcaktohen për dialog demorkatik, se dhuna nuk është zgjidhje e duhet të dënohet e opozita duhet në një mënyrë demokratike të punojë me Qeverinë”.
Kryediplomati austriak ka thënë gjithashtu se duhet të vazhdojnë negociatat me Beogradin sepse sipas tij kjo është shumë e rëndësishme për stabilitetin e rajonit.
“Vendimtare për ne është se ajo që jeni marr vesh me Beogradin të zbatohet, është shumë e rëndëdsishme për rajonin dhe është bazë për vazhdim të mëtejshëm”.
Ai gjithashtu ka folur edhe për fluksin e refugjatëve për në vendin e tij si dhe për vendet e tjera evropiane, duke përmendur kështu edhe fluksin e kosovarëve të cilët i’a mësyen këtyre vendeve në fillim të vitit të kaluar.
“Në kohët e fundit kemi pasur një numër ekstrem të refugjatëve, sidomos në Austri e Gjermani, ne në Austri kemi pranuar një numër tavan të refugjatëve dhe kemi thënë se është e domosdoshme të caktohet numri, kështu që është i mirë bashkëpunimi me vendet e rajonit që të kufizohet numri i refugjatëve”.
Mirëpo Kurz ka falënderuar Qeverinë e Kosovës për bashkëpunimin për t’i kthyer kosovarët që migruan ilegalisht prapë në Kosovë.
“Dua ta falendërojë edhe Qeverinë se në fillim të vitit 2015 shumë njerëz nga Kosova kanë ardh në Austri dhe Gjermani e ne bashkarisht kemi arritur që këta njerëz shumë shpejt të kthehen, e dua të them qartë se nuk ka shanca për emigrim illegal në Austri e në vende të tjera të Evropës, e kush tenton që të ik nga Kosova duhet të llogritë që do të kthehet shpejt”.
“Faleminderit për bashkëpunimin dhe për suksesin që keni arritur ta ndalni lëvizjen ilegale”.
