Lionel Messi sulmon Federatën Argjentinase të Futbollit. Pesë herë fituesi i “Topit të Artë” ka kritikuar ashpër drejtuesit e federatës së futbollit të vendit të tij pas anullimit të fluturimit të avionit për New Jersey. Pas fitores në gjysmëfinale kundër Shteteve të Bashkuara të Amerikës, takim që u mbyll me rezultatin 4-0 në favor të Kombëtares Albicelstve, Argjentina të Dielën do të luajë finalen e Kupës së Amerikës përballë Kilit, por anullimi i fluturimit solli dhe irritimin e numrit 10, i cili reagoi në rrjetin social “Intsagram” duke postuar një foto së bashku me sulmuesin tjetër Sergio Aguero me mbishkrimin:
“Duke pritur në avion për të mbëritur në destinacion. Cfarë katastrofe e Federatës Argjentinase të Futbollit.”
I menjëhershëm ka qënë dhe reagimi i drejtuesve të Federatës Argjentinase së futbollit, të cilët theksojnë se situata e rënduar meteorologjike është bërë shkak për vonesën e fluturimit nga Houston me destinacion New Jersey. Të dielën përballë Kilit, Argjentina pas 23 vitesh pritje do të kërkojë të kthejë në shtëpi trofeun e Kupës së Amerikës./supersport.al/
