Sulmuesi i Barcelonës, Lionel Messi ka paralajmëruar Juventusin se gjiganti katalan dëshiron të fitojë tituj të tjerë, pas triumfit në La Ligë.
Skuadra e Luis Enriques u shpall kampione e Spanjës, por Messi ka theksuar se ata synojnë të fitojnë edhe dy gara të tjera ku janë në finale, Copa del Rey dhe Liga e Kampionëve.
“La Liga është shumë e rëndësishme, kampionati është gjithmonë mirënjohja më e mirë”, shkroi Messi në Facebook. “Por, kjo skuadër është e mrekullueshme dhe dëshirojmë edhe më shumë këtë vit”, u shpreh ai.
Barcelona takohet me Bilbaon në finalen e Copa del Rey më 30 maj, para duelit me Juventusit në finalen e Ligës së Kampionëve më 6 qershor.
