German Chancellor Angela Merkel greets Chinese Premier Li Keqiang upon his arrival at the Chancellery on July 9, 2018 in Berlin, Germany. The two governments are holding consultations that will include discussions on economic cooperation and trade. The meeting is taking place as China and the United States have entered a trade war.
Kancelarja gjermane Angela Merkel ka paralajmëruar sot se vendet e botës nuk duhet të besojnë më se SHBA kërkon të jetë lideri, prandaj sipas kësaj duhet të përshtasin prioritetet e tyre.
“Ne jemi rritur me idenë se Shtetet e Bashkuara dëshironin të ishin fuqia më e madhe botërore”, tha Merkel në një intervistë me disa gazeta evropiane.
“Nëse SHBA dëshiron të tërhiqet nga ky rol me dëshirën e saj ne duhet të reflektojmë thellësisht për këtë”, shtoi ajo.
Në intervistën me britaniken Guardian, gjermanen Süddeutsche Zeitung, francezen Le Monde, spanjollen La Vanguardia, italianen La Stampa dhe polaken Polityka, Merkel tha se prezenca e SHBA në Evropë është në interesin e saj.
“Trupat amerikane në Gjermani ndihmojnë në mbrojtjen jo vetëm të Gjermanisë por dhe pjesës evropiane të NATO dhe interesat e Shteteve të Bashkuara,” tha kancelarja.
Ndërsa për shpenzimet ushtarake gjermane, Merkel tha: “Ne në Gjermani e dimë se duhet të shpenzojmë më shumë për mbrojtjen dhe kemi arritur shtime të konsiderueshme vitet e fundit. Do të vazhdojmë në këtë rrugë për shtimin e kapaciteteve tona ushtarake”./FrontOnline/
