Mediumi italian “La Repubblica” ka shkruar për situatën e krijuar në mes të Kosovës dhe Serbisë.
Sipas këtij mediumi, Moska po e ndez konfliktin në Kosovë.
“Këtë herë shpërthimi është edhe më afër Italisë. Një zjarr mbi të cilin fryjnë me kokëfortësi emisarët e Kremlinit, me të njëjtin objektiv të pushtimit të Ukrainës: Të vihet në dyshim arkitektura e sigurisë në Evropë e projektuar në tridhjetë vitet e fundit. Duke filluar nga ku filloi gjithçka: Ballkani. Dje në Kosovë përfaqësuesit e minoritetit serb dhanë dorëheqje në bllok”, thuhet në shkrimin e publikuar nga “La Repubblica”, transmeton Klankosova.tv
Kujtojmë se të shtunën Lista Serbe dha dorëheqje nga të gjitha institucionet e vendit, me ç’rast edhe policët e komunitetit serb në Kosovë, i zhveshën uniformat. Ndërkaq, sot ky subjekt politik ka thirrur protestë në veri të vendit, tubim ky që u përcoll pa incidente.
