Terroristi me pasaportë siriane një muaj më parë ka kërkuar azil në Preshevë. Sipas mediave serbe, një nga tetë terroristët të cilët morën pjesë në sulmin më të madh terrorist në Paris, ku u vranë 132 persona dhe u plagosën 350 të tjerë, është Amar Al-Ziad, emri i të cilit është i njohur për shërbimet franceze të sigurisë
Terroristi me pasaportë siriane një muaj më parë kërkoi azil në Preshevë, më 7 tetor. Zyrtarët grekë kanë njoftuar tashmë, se ai hyri në territorin e Greqisë më 3 tetor. Në territorin e Serbisë ka hyrë më 7 tetor në Miratovcë, nga Maqedonia.
Në internet, në një foto terroristi shfaqet duke mbajtur në dorë një kokë të prerë. Megjithatë, nuk dihet nëse fotografia është autentike.
Në rrjetet sociale është publikuar një video ku terroristi Amar al-Zaidi shihet teksa vallëzon me refugjatët tjerë në një kamp refugjatësh në Preshevë.
