Prokurorja e Prokurorisë Themelore në Mitrovicë, Vahide Badivuku, është liruar nga paraburgimi pasi ka paguar dorëzani 10 mijë euro, ka njoftuar mbrojtja e saj.
Gjatë ditës ajo është paraqitur për herë të parë para trupit gjykues, prej kur i është ngritur aktakuza me ç’rast është deklaruar e pafajshme, transmeton Koha.net.
Ajo ka thënë se ndihet e fyer nga aktakuza që i është bërë. Bashkë më Badivukun, akuzohen edhe Idriz Kelmendi dhe Isak Smakolli. Vetëm ky i fundit e ka pranuar fajësinë. Badivuku është arrestuar më 23 gusht të këtij viti, nën dyshimin për marrje të ryshfetit.
Më 17 nëntor, ndaj saj dhe dy personave të tjerë, Prokuroria Speciale e Kosovës ngriti aktakuzë për marrje ryshfeti, keqpërdorim detyre dhe ushtrim ndikimi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
