Mbi 325 qytetarë të Prizrenit, kanë aplikuar që të heqin dorë nga shtetësia e Kosovës.
Drejtori i Administratës në Prizren, Ilir Baldedaj, tha se ky numër është alarmante.
“Për mua ka qenë shqetësim ky numër i qytetarëve që gjatë vitit të kaluar, kanë kërkuar të heqin dorë nga shtetësia e Kosovës”, tha Baldedaj për TVPZ, transmeton PrizrenPress.
Ai tha se kërkesa e qytetarëve për të hequr dorë nga shtetësia e tyre, duhet të shqetësojë edhe Qeverinë e Kosovës.
