Gjilan – Kryetari i Komunës së Gjilanit, Lutfi Haziri, ka pritur sot përfaqësuesit e projektit ndërkufitar Çair-Gjilan, për të parë nga afër ecurinë e këtij projekti të rëndësishëm për qytetarët e Gjilanit.
Bordi i projektit i udhëhequr nga kryetari Haziri, u njoftua për ecurinë e këtij projekti nga koordinatorja Gëzime Idrizi Ismaili, sikurse edhe për aktivitetet të cilat janë të planifikuar deri në përmbylljen e tij. me vlerë të veçantë për zejtarinë gjilanase, njofton kumtesa komunale
Kryetari Haziri tha se është i kënaqur me rezultatet e arritura, ndërkaq u theksua se lista përfundimtare e përfituesve të nën-granteve, vlera e të cilave është 40 mijë euro, është në fazën e fundit dhe pritet që më shumë se 25 biznese gjilanase të përfitojnë.
Përndryshe, projekti “Valorizimi i zejeve tradicionale dhe potencialet e ekonomisë sociale për komunat Çair dhe Gjilan” është i financuar nga Komisioni Europian dhe ka filluar në tetorin e vitit 2014.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
