![](https://infosot.com/wp-content/uploads/2017/08/zgjedhjett-1_1502367229-7874240.jpg)
Edhe në rrethin e dytë të zgjedhjeve lokale janë vërtetuar një numër i madh i fletëvotimeve të pavlefshme. Sipas të dhënave të KSHZ-së numri i përgjithshëm i fletëvotimeve të pavlefshme në rrethin e dytë është 12.282.
Në rrethin e parë të zgjedhjeve lokale KSHZ vërtetoi se kishte 44481 fletëvotime të pavlefshme. Numri i fletëvotimeve të pavlefshme është për 6 mijë më i madhe se në zgjedhjet lokale të vitit 2013, përcjell Telegrafi Maqedoni.
Me këtë, në këto zgjedhje lokale numri i përgjithshëm i fletëvotimeve të pavlefshme paraqet 57.465, ndërsa numri i të vlefshmeve 1.448.622 fletëvotime.
Në zgjedhjet e fundit parlamentare në dhjetor të vitit të kaluar u evidentuan 38.712 fletëvotime të pavlefshme.