Një aksident i rëndë ka ndodhur sot në zonën e Ish-Bllokut përgjatë urës së Lanës, ku një makinë ka përplasur një të mitur.
I mituri ishte duke udhëtuar me biçikletë dhe sapo është përplasur nga makina është tërhequr më pas zvarrë për rreth 30 metra sipas personave që kanë qënë dëshmitarë.
Autori me makinën e tij tip “Mercedes Benz” është larguar me shpejtësi nga vendi i ngjarjes.
Policia ka identifikuar mjetin i cili është larguar në drejtim të “Pallatit me Shigjeta”.
Nuk dihet ende gjendja shëndetësore e të miturit dhe policia po punon për identifikimin dhe kapjen e autorit.
