LDK-ja sot është duke votuar për shkarkimin e Vjosa Osmanit nga pozita e nënkryetares së partisë. Kjo erdhi si propozim nga Kryetari i Lidhjes Demokratike të Kosovës, Isa Mustafa.
Por, burime të Klan Kosovës brenda kryesisë së LDK-së pohojnë se nënkryetari Lutfi Haziri është duke insistuar që Vjosa Osmani ta mbajë pozitën e nënkryetares së partisë.
Sipas këtij burimi, Haziri po insiston në gjetjen e një zgjidhje të qëndrueshme, në mënyrë që partia të mos pësojë përçarje.
Haziri nuk është përgjigjur në telefon, përkundër insistimit të Klan Kosovës.
Burimi thekson se gjithëçka do të jetë në dorë të kryetarit Isa Mustafa, i cili pritet ta publikojë vendimin përfundimtar, nëse Vjosa Osmani do të mbetet ose jo në pozitën e nënkryetares së partisë.
Burimet mësojnë se pjesa më e madhe e Këshillit të Përgjithshëm janë për zëvendësimin e Vjosa Osmanit me Avdullah Hotin.
Osmani aktualisht është Kryetare e Kuvendit të Kosovës.
