Një ngjarje tragjike ka ndodhur mbrëmjen e djeshme në Klos të Matit.
Atje, një 66-vjeçar humbi jetën pasi u mor nga rrjedha e fortë e lumit Mat. Viktima, Xhemal Zhuku, po tentonte të kalonte lumin kur u rrëmbye nga uji.
Trupi i pajetë i tij u gjet disa kilometra më larg vendit të ngjarjes në orët e para të mëngjesit të sotëm.
Në kërkimin e tij morën pjesë familjarët, banorët e zonës dhe shërbimet e Policisë.
Grupi hetimor ndodhet në vendngjarje dhe po punon për të zbardhur rrethanat e ngjarjes.
Autoritetet bëjnë thirrje për kujdes në kalimin e lumit, veçanërisht pas reshjeve që kanë rritur rrjedhën e ujit, raporton JOQ.
