Sfida e fundit e javës së 23-të të Serie B mes Livornos dhe Comos nuk shkoi më shumë se barazimi 1-1. Një 90 minutësh mbijetese për të dyja skuadrat ku askush nuk doli i kënaqur duke arritur vetëm nga një pikë me shumë pak vlera. Ishin vendasit ata që e kërkuan më shumë fitoren por pavarësisht rasteve të krijuara, pjesa e parë u mbyll pa asnjë gol të shënuar. Në fraksionin e dytë, Como rrezikoi gjithçka dhe arriti ta zhbllokonte sfidën në minutën e 62 me autor Stefano Pettinari.
12 minuta më pas, Martino Borghese vendosi barazpeshën.
Livorno që ngjitet në vendin e 18 me 24 pikë, ndërsa Como mbyll klasifikimin me 18 pikë.
