16:00
Protestuesit kanë filluar të mblidhen para sheshit “Skënderbeu”, vend i cili është ndalesa e fundit e marshutës së sotme. Aty është vendosur një binë nga e cila organizatorët e protestave do t’i mbajnë fjalimet e tyre përmbyllëse
—–
Protestuesit ia kanë mësy ndërtesës së Qeverisë së Kosovës. Pasi protestuan para Gjykatës Kushtetuese, KEDS-it dhe RTK-së, ata tani kanë mbërritur para ndërtesës së ekzekutivit të vendit. Ata po kërkojnë dorëheqjen e ministrit të Drejtësisë, Hajredin Kuçi.
Protestuesit: RTK e jona, jo e Kadri Veselit (VIDEO)
15:25: Protestuesit po marshojnë në rrugën “Agim Ramadani”, drejt selisë së RTK-së, ku do ta kenë një aksion simbolik dhe një fjalim.
Ata po kërkojnë shkarkimin e menaxhmentit të RTK-së, dhe po brohorasin: “RTK e jona, jo e Kadri Veselit”.
15:10
Ne proteste edhe Shpend Ahmeti
15:00
Pas një fjalimi të mbajtur nga Izet Ibrahimi i Nisma-s, protestuesit janë larguar nga ndërtesa e KEDS-it. Pika e ardhshme e ndalesës do të jetë ndërtesa e Radio Televizionit të Kosovës (RTK)
—-
(E plotësuar) 14:38
Pas një fjalimi dhe ngjyrosjes së mureve të ndërtesës së Gjykatës Kushtetuese me ngjyrë të zezë, protestuesit janë nisur drejt ndërtesës së KEDS-it, te pika e dytë e ndalesës në protestën e sotme
—
14 : 20 Te Gjykata Kushtetuese dhe te Ministria e Drejtësisë ka shumë policë.
Aktivistë të “Vetëvendosjes” kur folën sot para protestës për KALLXO.com, paralajmëruan se protestuesit do të kërkojnë dorëheqjen e kryetarit të Gjykatës Kushtetuese Enver Hasanit dhe ministrit të Drejtësisë Hajredin Kuçit.
Njëra nga pikat ku protestuesit pritet të ndalojnë gjatë marshit të tyre është edhe selia e Kushtetueses
—-
14:00 Tre liderët e partive opozitare, Visar Ymeri i Vetëvendosjes, Ramush Haradinaj i AAK-së dhe Fatmir Limaj e Jakup Krasniqi të Nismas, janë nisur së bashku drejt protestuesve që po i presin në sheshin “ZAHIR Pajaziti”.
Ata janë parë bashkë në lagjen Pejton, ndërsa do të kthehen sërish atje, ku gjendet edhe ndërtesa e Gjykatës Kushtetuese, që është pika e parë që do të ndalen protestuesit.
—–
Në sheshin “Zahir Pajaziti” po grumbullohen vazhdimisht protestuesit. Aktualisht aty janë rreth 2,500 protestues.
Krahas protestuesve aty janë edhe deputetë edhe liderë të partive politike opozitare.
Protestuesit po thërrasin parulla kundër qeverisë.
————————–
Rreth njëmijë protestues aktualisht janë grumbulluar në Sheshin “Zahir Pajaziti”.
Gradualisht është duke u mbushur sheshi “Zahir Pajaziti” në Prishtinë, prej ku në orën 14:00 është paraparë të fillojë marshi i protestuesve, transmeton Telegrafi.
Në protestë ka mbërri edhe ish lideri i VV-së Albin Kurti.
Organizatorët kanë angazhuar kujdestarë të shumtë të cilët po përkujdesen për mbarëvajtjen e saj.
