Lista Srpska tenton të distancohet nga Radojiçiq, pritet të mbaj Kuvend Zgjedhor, e ka njoftuar edhe KQZ’në
Më 24 tetor Lista Serbe pritet të mbledh Kuvendin e partisë për të bërë ndryshime në formacionin drejtues të këtij subjekti politik, thonë burimet e Gazetës Express.
Gjithnjë sipas këtyre burimeve, ky subjekt politik tashmë e ka njoftuar Komisionin Qendror të Zgjedhjeve (KQZ) për mbajtjen e një kuvendi të tillë të brendshëm.
Ky zhvillim vjen pas sulmit terrorist që ndodhi në veri të Kosovës më 24 shtator.
Përgjegjësinë për sulmin e ka marrë Milan Radojçiq, që më pas dha dorëheqje nga pozita e nënkryetarit të kësaj partie politike.
Pikërisht, Lista Serbe pritet që në një mënyrë të distancohet nga Milan Radojçiq. Siç tregojnë burimet e Gazetës Express, kryetar i Listës Serbe pritet të zgjidhet një person që aktualisht është jashtë skenës politike.
