Ministrat serbë në Qeverinë e Kosovës kanë marrë pjesë në mbledhjen e sotme të ekzekutivit. Të njëjtit kanë abstenuar për tërheqjen e Projektligjit të Demarkacionit ndërmjet Kosovës dhe Malit të Zi.

Megjithatë, kryeministri i Republikës, Ramush Haradinaj, në një konferencë për media, theksoi se tanimë ka sinjale të mira se marrëveshja e re ndërshtetërore do të votohet nga pjesa e madhe e deputetëve, duke përfshirë edhe Listen Serbe.

“Kjo ishte shenjë e mirë që ishin në mbledhje të qeverisë”, theksoi Haradinaj, duke përmendur prezencën e serbëve në mbledhjen e sotme të qeverisë./rtklive/