Kreu i Nismës për Kosovën, Fatmir Limaj ka bindjen se shumë shpejt vendi do të shkojë në zgjedhje.
Ai ka thënë se nuk ka argumente që kjo qeveri të vazhdojë.
“Besoj që shumë shpejt që vendi do të ketë zgjedhje të parakohshme”, tha Limaj në 21.
Limaj ka thënë se protesta po bëhet për të kërkuar përkrahjen e qytetarëve për të ndryshuar këtë gjendje, teksa ka shtuar se nuk ka protestë më të madhe se sa prezenca dhe shëtitja në shesh.
Limaj ka ripërsëritur së krerët e Qeverisë po përdorin gjuhë e cila në vetvete përmban kërcënim për qytetarët.
I pari i Nismës, po ashtu u rikujtoi opozitarëve premtimet e bëra në fushatë.
“Mos i harroni premtimet që janë bërë në fushatë elektorale. Asnjëra nga këto, jo që nuk realizohet, por nuk ka shans për një gjë të tillë”, tha ai.
