Kryetari i Nismës Socialdemokrate, Fatmir Limaj, në emisionin Debat në RTK ka folur për procesin e tij gjyqësor në Hagë, para 15 vjetësh dhe proceset gjyqësore të EULEX-it, si dhe për zhvillimet në vend.
“Pa këta njerëz, Thaçin, Krasniqin, Veselin, Selimin e të tjerët nuk do të kishte UÇK dhe pa UÇK nuk do të kishte liri”, ka thënë Limaj.
Ai ka thënë se është gabim nga kushdo që i gëzohet shkuarjes së çlirimtarëve në Hagë. Sipas Limajt, ata janë në Hagë për të mbrojtur luftën çlirimtare.
Lideri i Nismës ka thënë se insitucionet e vendit duhet të bëjnë më shumë për t’i mbrojtur çlirimtarët në Hagë dhe se kërkesa e tij ka qenë që të ketë një gjykatë gjithpërfshirëse.
Ai ka thënë se është inkruajuar nga kryetarja e Gjykatës të cilët thonë se do të hetojnë gjitha krimet.
“Ne duhet t’i shohim veprimet tash. Kosova duhet ta ngre zërin dhe se çdo masakër duhet të gjykohet. Kryesit duhet përgjigjen për veprat e tyre. S’do të ndalemi dhe do të bëhemi zëdhënës të kësaj teme”, ka thënë Limaj.
