Çështja e votimit të zëvendëskryeministrit të Kosovës, Hashim Thaçi, për postin e presidentit të Republikës së Kosovës, e ka vënë në një pozicion mjaft të vështirë Lidhjen Demokratike të Kosovës, shkruan gazeta “Bota sot”.
Derisa drejtuesit e LDK-së në krye me kryeministrin dhe kryetarin e LDK-së, Isa Mustafa, çdo ditë e më shumë po zotohen për respektimin e marrëveshjes, ana tjetër e kësaj partie po vazhdon ta nge zërin kundër votimit të Thaçit në postin e presidentit.
Në një pozicion të tillë, LDK-ja ishte edhe në kohën kur arriti koalicion me PDK-në, pas ngërçit gjashtëmujor që e kishte kapluar Kosovën dhe u “detyrua”, që të votoj pro ish-kreut të SHIK-ut Kadri Veseli.
Lidhja Demokratike e Kosovës ndodhet në momente të vështira politike, thotë për gazetën analisti Gazmend Islami, sipas të cilit, LDK-ja i ka dy alternativa.
E para, të shkojë rrugës së Isa Mustafës që Hashim Thaçin e zgjedh president të vendit dhe varros politikisht këtë subjekt për një kohë të gjatë.
E dyta, të distancohet nga Isa dhe të largohet nga koalicioni, pra nga pushteti.
