Para pak çastesh në Policinë e Kosovës është dorëzuar i dyshuari kryesor për vrasjen e rojtarit në qendrën tregtare “Albi Mall” ditë më parë.
Burime të Indeksonline kanë bërë të ditur se i dyshuari është L. Sadikaj dhe ai e ka pranuar se e ka shkrepur armën në drejtim të viktimës.
Dje policia e ka arrestuar një person tjetër, punëtor në kafiterinë në “Albi Mall” ku ishte kryer vrasja.
Roja Nazmi Ramadani u vra në mëngjesin e 30 marsit derisa tentoi të ndalonte grabitësit e arkës së një kafeterie në “Albi Mall”.
Policia sot gjithashtu njoftoi se ka gjetur edhe armën me të cilën dyshohet së është vrarë Nazmi Ramandani. /Indeksonline/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
