Në rrugën “Narodnih Heroja” në Beograd asht vizatue nji mural rreth tri metra i naltë, në të cilën janë shfaq portretet e Presidentave, Donald Trump të SHBA’ve dhe Vladimir Putin të Rusisë.
Krahas këtyne portreteve të dy prej Presidentave më të fuqishëm të botës, në mural asht dhanë nji mesazh nacionalist: Kosova asht Serbi.
Fraza “Kosova asht Serbi asht shkrue në tri gjuhë të ndryshme, atë ruse, angleze dhe serbe.
Në Serbi kanë shpresë që ardhja në krye t’Amerikës, e Presidentit të zgjedhun Donad Trump, ka me përmisue marrëdhaniet me Shtetet e Bashkueme t’Amerikës.
Edhe Presidenti i zgjedhun Trump ka thanë gjatë fushatës elektorale në SHBA se ka me i përmisue marrëdhaniet me Presidentin rus Vladimir Putin.
