Njëri nga terroristët që shkaktoi shumë viktima mbrëmë në Paris e ka kaluar tërë rutën ballkanike të migrantëve me pasaportë siriane me emrin Ahmed Almuhamed.
Është e përditshmja serbe “Blic” që e para e ka publikuar fotografinë dhe identitetin e dikujt nga tetë terroristët të cilët u vranë pas shpërthimeve vetëvrasëse në Paris ku mbetën të vrarë më shumë se 120 njerëz të pafajshëm.
Te njëri nga ata është gjetur pasaporta siriane me emrin Ahmed Almuhamed. Në bazë të kësaj pasaporte, autoritetet e sigurisë franceze kanë kërkuar ndihmë nga Serbia, pasi që autoritetet serbe i kanë regjistruar të gjithë migrantët që kanë hyrë në Serbia, respektivisht në Preshevë dhe e kanë listën komplete të të gjithë migrantëve që kanë ardhur në Ballkan.
Ashtu siç kanë raportuar zyrtarët grekë, Almuhamed ka hyrë në territorin e Greqisë më 3 nëntor. Raportohet se ai në territorin e Serbisë ka hyrë më 7 tetor afër fshatit Miratoc të Preshevës, nga Maqedonia.
Ai është regjistruar në qendrën e migrantëve në Preshevë, ku formalisht ka kërkuar azil. E ka vazhduar rrugën, duke kaluar më pas në Kroaci e tutje për në Austri.
