Kuvendi i Kosovës e ka shtyrë diskutimin dhe votimin për dy projektligjet për EULEX-in, për ditën e premte, për shkak se në seancën e të enjtes ka munguar kuorumi i mjaftueshëm.
Të dy këto projektligje, janë miratuar me herët, në ditën e enjte, nga Qeveria e Kosovës. Gjithashtu edhe Komisioni për Legjislacion, Mandate dhe Imunitet i Kuvendit të Kosovës, ka shqyrtuar dhe miratuar këto projektligje, me kundërshtimin vetëm të anëtares nga Lëvizja Vetëvendosje, Albulena Haxhiu.
Votimi eventual “për” i projektligjeve nga Kuvendi i Kosovës do ta vazhdonte mandatin e Misionit të Bashkimit Evropian për Sundim të Ligjit – EULEX, deri në vitin 2018./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
