Me 69 vota për asnjë kundër asnjë e përmbajtur dhe pa prezencën e opozitën Kuvendi ratifikon marrëveshjen mes Maqedonisë dhe Greqisë për çështjen e emrit.
“Marrëveshja”, Zaev: Vendimi përfundimtar në duart e qytetarëve
Kryeministri Zoran Zaev në fjalimin e tij në seancën kuvendore për ratifikimin e marrëveshjes me Greqinë tha se qytetarët do ta sjellin vendimin përfundimtar për çështjen e emrit, raporton Alsat-M.
“Para tre ditëve nënshkruam dokument për t’i dhënë fund çështjes tre dekadëshe. Kemi nënshkruar fillimin e fundit të paqartësive. Zgjidhje e dinjitetshme për të dyja palët. Gjuha dhe identiteti nuk do të shkelen nga marrëveshja”, deklaroi Zoran Zaev, kryeministër.
Zaev kërkoi mbështetje nga deputetët duke thënë se kjo është një ditë e madhe për Maqedoninë.
“Kjo ditë e bën të qartë se do të marrim datë për fillimin e bisedimeve me BE-në”, deklaroi Zaevi.
Grubi: “Marrëveshja” hap rrugën euro-atlantike të vendit
Deputeti i BDI-së, Artan Grubi, para deputetëve ka folur se pse duhet të ratifikohet marrëveshja me Greqinë.
“Jeta të mëson se vendimet duhet t’i sjellësh në kohë të duhur, jo vonë, por në kohë të saktë. Sot është koha e vendimit më të vlefshëm për të ardhmen tonë të përbashkët. Vendimi i sotëm na sjell datë për negociata me BE-në dhe ftesë për anëtarësim në NATO”, deklaroi Grubi.
