Kryeministri i Kosovës, Albin Kurti gjatë vizitës në Norvegji është takuar me mërgimtarët atje. Takimi u zhvillua në ambientet e ambasadës së Kosovës, në Oslo.
Kurti thotë se çdoherë kur Kosova ka pasur nevojë, mërgata ka qenë pranë saj, në kohë të mira e të vështira.
Sipas tij, ky takim kishte për qëllim krijimin e partneritetit mërgatë-institucione shtetërore, për të bashkëpunuar mes vete në arsim, inovacion e investime.
Njoftimi i plotë:
Çdoherë kur Kosova ka pasur nevojë, mërgata ka qenë pranë saj, në kohë të mira e të vështira.
Mbrëmë në ambientet e ambasadës së Kosovës në Oslo, në kuadër të “Dialogut me Mërgatën” zhvilluam një bashkëbisedim me përfaqësues të shoqatave, mësues të gjuhës shqipe, profesionistë të shquar të fushave të ndryshme, aktivistë politikë si dhe pjesëtarë nga komuniteti shkencor dhe akademik.
Dialogu me mërgatën ka për qëllim riimagjinimin e partneriteteve me bashkatdhetarët tanë dhe thellimin e bashkëpunimit ndërmjet institucioneve dhe mërgatës në fushën e arsimit, investimeve dhe inovacionit.
Të pranishmit i falënderova për kontributin dhe i informova për punën njëvjeçare të qeverisë si dhe rolin që mërgata ka marrë në kuadër të programit qeveritar, për sukseset dhe sfidat e përbashkëta.
Fotografitë e takimit i gjeni në link:
