Kryeministri i Kosovës, Albin Kurti, ka thënë se Kosova ka përfituar nga raportet me SHBA-të, duke përmendur marrëveshjen me MCC-në, e pajisjet ushtarake Jevelinet.
Kurti tha se populli i Kosovës e ka votuar atë për marrëdhënie më të thella e gjera me SHBA-të.
Ai ka thënë se nuk është servil, duke shtuar se nuk do të kishte arritur të bëhej kryeministër nëse serviliteti do të ishte kusht.
“Besoj që raportet tona me SHBA-të, si një aleat i pazëvendësueshëm, si partner substancial, në të kaluarën, në të ardhmen, e sidomos tani, Si një mik i dëshmuar janë raporte shumë të mira, marrëdhënia do të thotë edhe dhënie, jo vetëm marrje.”
“Nëse për të pasur marrëdhënie të shkëlqyeshme, kushti, garancia dhe mundësia është vetëm serviliteti, i kishim pas më herët ata, ata i kishim pas kryeministra. Pse erdhi puna unë me qenë kryeministër, sepse populli i Kosovës po dëshiron raporte më të thella e më të gjera, jo me shkëlqy nga servilitet.” – ka thënë Kurti.
