Problemet në Vetëvendosje po del që nuk janë vetëm mosmarrëveshjet në mes zyrtarëve të lart, por edhe ngacmimet seksuale.

Këtë po e konfirmon kreu i Vetëvendosjes, Albin Kurti, që mori drejtimin e partisë para pak ditësh.

Kurti ka thënë se një ndër shkaqet që në Vetëvendosje është numri i vogël i grave që punojnë, janë ngacmimet nga meshkujt “shovinist”, siç i ka quajtur ai.

“Nga informatat që kam marr unë edhe në Prishtinë edhe nëpër degët e Vetëvendosjes numri i grave dhe vajzave që anëtarësohen në Vetëvendosje është shumë më i madh se ata që punojnë në VV Një ndër shkaqet është se në ambientimet nuk ka pasur imunitet ndaj shprehjeve të papranueshme dhe sjelljes shoviniste të meshkujve dhe i kanë vu në siklet vajzat. Dhe ato vijnë njëherë e dy herë dhe nuk vijnë më, dhe kjo nuk duhet të ndodh më”, ka thënë Kurti në një intervistë për Jeta në Kosovë.

Kjo deklaratë ka shkaktuar reagime të mëdha në rrjetet sociale. Komentet janë nga më shokueset që në këtë parti ka ngacmime seksuale.