Kryetari i Lëvizjes Vetëvendosje Visar Ymeri, si dhe deputeti Albin Kurti bashkë me mbi 1000 persona, e kanë kaluar natën në tendat që janë vendosur nga Opozita, në sheshet e Prishtinës një ditë më parë.
Lajmin se Ymeri e Kurti bën gjumë në këto shatore, e ka konfirmuar për Klan Kosovën edhe aktivisti i Vetëvendosjes, Valdrin Ahmeti.
Klan Kosova ju sjellë më poshtë fotografinë sesi duket i përgjumshëm kreu i Vetëvendosjes pasi e zbardhi mëngjesin në këto tenda.
Ai shihet në foto në shoqërinë e ish-Avokatit të Popullit, Sami Kurteshi.
Ndryshe, aktivistë të tri partive opozitare, Vetëvendosje AAK dhe Nisma kanë thënë se do të vazhdojnë me këtë formë të re të protestës deri në largimin e qeverisë.
/Klan Kosova/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
