Bukuroshja 24-vjeçare ka rrëfyer se si njerëzit e modës i bënin presion në fillimet e karrierës së saj për të mbajtur dietë.

“Kam pasur shumë presion. Kur fillova këtë karrierë të gjithë më thoshin të mbaja dietë sepse nuk isha në formën perfekte. Në fillim i dëgjova, por pastaj vendosa të heq dorë, më dukej shumë false. Njerëzit që ju thonë se duhet të ndryshoni në të vërtetë janë njerëz pa vizion dhe aspak kreativë”, deklaroi bukuroshja që u shfaq për herë të parë para kamerave në vitin 2008, transmeton TCh.

Po ashtu, Kate deklaroi se atë e tallnin shumë kur ishte fëmijë, për shkak të këmbëve të gjata dhe vetullave, por ishte gjithmonë e ëma që i rikthente vetëbesimin.

“Kur isha e vogël më kanë tallur shumë për shkak të këmbëve të gjata dhe vetullave. Sigurisht që mërzitesha, por mamaja kujdesej që unë të riktheja vetëbesimin. Ajo merrte një revistë dhe më thoshte: ‘Shiko, edhe modelet kanë këmbë të gjata’. Aty më lindi dëshira të bëhem modele”, tha ajo.