Kryeministri i Kosovës, Ramush Haradinaj i kishte gënjyer rugovasit në prill të vitit 2016 se çështja e demarkacionit nuk ka të bëjë me liberalizimin e vizave.
Gjatë një vizite që kishte pas në Bjeshkët e Rugovës, Haradinaj kishte thënë se demarkacioni s’ka të bëjë me liberalizim e as me asocim stabilizim.
“Unë ju kam than deputetëve që kjo marrëveshje nuk duhet mu ratifiku se na shkakton problem, sepse nuk është për ngut edhe nuk ka lidhje as me liberalizim të vizave as me asocim stabilizim, as me kurgjo, a e keni nih që po folin diçka për liberalizimin nuk ka lidhje me këtë temë”, kishte thënë Haradinaj.
Mirëpo për dallim të deklaratës që e kishte bërë para dy vite, Haradinaj ka ndërruar mendim, ai tash është duke kërkuar që të votohet dhe t’i hapet rrugë lëvizjes së lirë të qytetarëve.
Po ashtu kryeministri Haradinaj i cili njëherit është edhe lider i Aleancës për Ardhmërinë e Kosovës, (AAK), kishe thënë se e gjithë Rugova e dinë se ku vija kufitare me Malin e Zi.
“Krejt Rugova, e jo veç Rugova po gjithkush që është marr me atë trevë e din që ka zhvendosje të vijës kufitare, nuk është në rregull nuk është e drejtë. Nuk po bojm vota këtu, na pe dim që kjo është e ndjeshme, ku jena tu fol për një temë që mund të nxjerrë telashe në të ardhmen”, kishte thënë Haradinaj.
E në vitin 2015 çështja e Demarkacionit ishte e vdekur, pwr Haradinajn. Ai kishte thënë se Ç’është me rëndësi parlamenti atë ditë ka qenë me pesë grupet e rëndësishme parlamentar të gjitha shqiptare, ku ka pas mbi 100 deputet edhe është tërheq pra ajo çështje tashmë ka vdek”.
Ndërsa sot ai e ka ringjallur përsëri këtë çështje.
Demarkacioni me Malin e Zi do të votohet do të votohet nesër në Kuvendin e Kosovës, seancë kjo e cila do të fillojë në ora 11:00.
Raportit të Demarkacionit me Malin e Zi i është shtuar një ankesë marrëveshje të cilën e ka nënshkruar presidenti i Kosovës, Hashim Thaçi së bashku me presidentin e Malit të Zi, Filip Vujanoviq. /Insajderi.com
