Gjashtëdhjetë e tetë mijë studentë kanë aplikuar për t’u bërë pjesë e pakos mbështetëse ku Qeveria e Kosovës kishte bërë të ditur se do t’i përkrahë me nga 100 euro shtesë, e që sipas zëdhënësit të Qeverisë së Kosovës, Përparim Kryeziu pritet të dalin javën tjetër.
Kryeziu në një përgjigje me shkrim për KosovaPress ka thënë se për punëtorët e sektorit privat deri më tani Ministria e Financave i ka ekzekutuar 220 mijë pagesa, derisa për ata të cilët ende nuk i kanë pranuar 100 eurot, këtë muaj do të trajtohen aplikimet e tyre të cilët kanë qenë të regjistruar deri në muajin mars.
Lexo Edhe:
Me këtë truk të ri mund të digjni 4 kilogramë në 7 ditë
“Paqavër është ky, mashtrues”, ish-komandant Tigri që ishte anëtar i VV-së…
“Në total janë regjistruar 68 mijë aplikime. Komisioni për verifikimin e aplikimeve ka filluar punën këtë javë. Synojmë që ekzekutimi i shtesave prej 100 eurove për studentë të fillojë gjatë javës tjetër. Sa i përket shtesave për punëtorët e sektorit privat deri më tani janë ekzekutuar mbi 220 mijë pagesa. Këtë muaj do të trajtohen edhe aplikimet e bëra nga punëtorët që janë regjistruar në mars të këtij viti dhe që kanë qenë aktiv në llogaritë e ATK për tre muaj rresht, ashtu siç ishte paraparë edhe në thirrjen 21 prillit,” ka thënë Kryeziu.
