Në selinë qendrore të LDK-së, ka nisur tashmë mbledhja e kryesisë e thirrur nga kryetari i kësaj partie, Isa Mustafa.
Në këtë mbledhje pritet të vendoset për emrin e kandidatit për kryeministër.
Kjo parti është shprehur e gatshme dhe është në pritje që të mandatohet nga presidenti Hashim Thaçi për të formuar Qeverinë e re me AAK-në, Nismën, AKR-në dhe komunitetet.
Kryetari i LDK-së, Isa Mustafa dje pas takimit me presidentin Hashim Thaci, ka thënë se do ta mbledhë kryesinë e partisë, që të kërkojë mendimin për krijimin e Qeverisë së re.
