Kanadaja është një ndër vendet që merret si shembull për lirinë, ekonominë, standardin e jetesës dhe mirëqënien sociale. Por edhe atje ka persona që janë të pakënaqur me politikën.
Gjithsesi, ndryshe nga shumë vende të tjera, të pakënaqurit kanadezë me kryeministrin e vet nuk dëbohen me shpejtësi nga truprojat që ai ka në krahë, por nga vetë shefi i Qeverisë.
Kryeministri Justin Trudeau u përball të premten me një qytetar të pakënaqur pas një dreke pune në Ontario dhe në vend që të linte gjithçka në dorën e sigurisë së tij personale, ai zgjodhi që të ndërhyjë vetë.
Kryetari i Partisë Liberale kanadeze sapo vuri re një person të inatosur që po i afrohej me shpejtësi dhe duke i bërtitur, përveshi vetë mëngët dhe i vendosi duart në shpatullat e qytetarit.
Që të dy ata u filmuan duke shkëmbyer disa fjalë dhe u sqaruan pa qenë nevoja e ndonjë mase drastike nga ana e rojeve personale të Kryeministrit, që gjithsesi ishin të pranishëm, por nuk ndërhynë në asnjë moment.
Policia e Ontarios njoftoi menjëherë se askush nuk është arrestuar dhe nuk do të arrestohet për rastin në fjalë, ndërkohë që nuk dihet ende arsyeja e revoltës së qytetarit.
/tch/
