Një automjet në lëvizje ka shpërthyer, ndërsa një 35-vjeçar është plagosur. Bëhet fjalë për një ngjarje të ndodhur në Nikel të Krujës.
Sipas policisë në pjesën e përparme të automjetit tip “Touareg”, me targa AA 020 BH, ishte vendosur një sasi e vogël lënde eksplozive.
Drejtuesi i mjetit, shtetasi G.B, ka marrë dëmtime në këmbë dhe ndodhet nën kujdesin e mjekëve në Spitalin Ushtarak në Tiranë, jashtë rrezikut për jetën, raporton tvklan.
Ai është person me precedentë penalë të mëparshëm në fushën e veprave penale kundër personit dhe pronës.
Efektivat e Policisë ndodhen në vendngjarje, të cilët po punojnë për identifikimin e autorëve dhe zbardhjen e plotë të ngjarjes
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
