Kryetarja e Komisionit Qendror Zgjedhor, Valdete Daka, ka njoftuar se KQZ’ja ka çregjistruar 10 parti dhe ka pezulluar 12 të tjera.
Daka këto informacione i ka dhënë derisa ka raportuar para Komisionit Parlamentar për Legjislacion.
“Për mosmbajtje të kuvendeve zgjedhore janë pezulluar 12 parti politike, ndërsa 10 të tjera janë çregjistruar për mos përmbushje të kushteve”, ka thënë Daka derisa ka raportuar para deputetëve, njofton Klan Kosova.
Daka është kritikuar shumë nga anëtarët e komisionit, sidomos nga kryetarja, Albulena Haxhiu.
Ajo ka thënë madje se KQZ ka shkelur Kushtetutën kur lejoi serbët të votonin në veri me dokumente të lëshuara nga institucionet paralele.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
