Gjatë muajit shtator 2022 nga skema e ndihmës sociale kanë përfituar 24.169 familje me gjithsej 95.478 anëtarë, dhe nga skema për mbështetje materiale familjeve që kanë fëmijë me aftësi të kufizuara kanë përfituar 2.776 familje.
Në raportin më të fundit të Agjencisë së Statistikave të Kosovës thuhet se nga skema e pensioneve bazë të moshës janë 140.800 përfitues, nga skema e pensioneve kontribut-paguese të moshës janë 48.456 përfitues, nga skema për pensionet familjare janë 3.311 përfitues.
Nga skema për pensionet invalidore janë 61 përfitues; nga skema për pensionet e Trepçës 1.803; nga skema e pensioneve të Trupave Mbrojtëse të Kosovës 1.267; nga skema e pensioneve për Forcën e Sigurisë së Kosovës 677; nga skema e kompensimeve për personat e verbër 1.823; nga skema e pensioneve për personat me aftësi të kufizuara 18.998; nga skema për pensionet e personave paraplegjik dhe tetraplegjik 2.537; nga skema për familjet e dëshmorëve dhe invalidët e luftës 13.148 dhe nga skema për veteranët e luftës 36.780 përfitues.
Ndërsa, gjatë muajit shtator 2022 janë braktisur 2 fëmijë.
