Ministri i Mbrojtjes së Kosovës, Ejup Maqedonci, ka njoftuar se në tri vitet e fundit, 3 mijë e 459 ushtarakë të Forcës së Sigurisë së Kosovës janë shkolluar jashtë vendit.

“Gjatë këtyre tre viteve janë trajnuar e shkolluar jashtë vendit 3 mijë e 459 ushtarakë, apo rreth 123% më shumë se në qeverisjet e kaluara”, ka shkruar Maqedonci.

Maqedonci tha se do të vazhdojmë investimin në ngritjen e kapaciteteve profesionale të FSK-së, si dhe furnizimin e ushtrisë “me sistemet më moderne të armatimit”.

“Në vigjiljen e 27 Nëntorit, Ditës së Forcës, theksojmë me krenari se FSK po zhvillohet me hapa të shpejtë në forcë profesionale sipas standardeve të NATO-s.
Gjatë këtyre tre viteve janë trajnuar e shkolluar jashtë vendit 3459 ushtarakë, apo rreth 123% më shumë se në qeverisjet e kaluara.
Do të vazhdojmë investimin në ngritjen e kapaciteteve profesionale krahas ngritjes së kapaciteteve operacionale, furnizimin me sistemet më moderne të armatimit, sepse Forca jonë është Forcë që garanton siguri për qytetarët dhe mbrojtje të territorit të atdheut tonë Kosovës.”