Shefi i Grupit Parlamentar të Lëvizjes Vetëvendosje Glauk Konjufca gjatë mbajtjes së seancës së sotme për projektligjin e EULEX-it , ka theksuar se ky muision nuk njeh shtetin e Kosovës dhe se ka pamundësuar shtrirjen e institucioneve në veri.
Shefi i Grupit Parlamentar të Lëvizjes Vetëvendosje Glauk Konjufca gjatë mbajtjes së seancës së sotme për projektligjin e EULEX-it , ka theksuar se EULEX-i është krijuar si një ndër misionet më të mëdha dhe më të kushtueshme në vend.
“EULEX-i u quajt mision për sundimin e ligjit. Shpallja e Pavarësisë së mbikëqyrur imponoj EULEX-i për të mbajtur kompetenca në disa fusha si policia, dogana dhe prokuroria”, ka thënë Konjufca.
Po ashtu sipas Konjufcës vetë ligjërimi për justifikimin e EULEX-it që po bëhet ka një problem të madh lidhur me shtetësinë, pavarësinë dhe sovranitetin e vendit.
“Prania e EULEX-it e kostulton pamjaftueshmërinë vendore. Në njëfarë mënyrë EULEX vendos papjekurinë e shtetit të Kosovës”, ka thënë Konjufca, transmeton Indeksonline.
Gjithashtu sipas tij EULEX ka përfunduar me status neutral që ka ndikuar për të mos kryer punë të mira për Kosovën.
“EULEX ka pamundësuar shtrirjen e institucioneve në veri të shtetit që kontrollohet nga Serbia”, ka thënë Konjufca.
Po ashtu nga Konjufca është theksuar se EULEX-i nuk e njeh shtetin e Kosovës.
“EULEX gëzon të gjitha të drejtat në Kosovë. Stafet diplomatike nuk ushtrojnë kompetencat ekzekutive në shtetet ku shkojnë, por EULEX-i ushtron në shtetin e Kosovës”, ka thënë Konjufca.
