Komuna e Prishtinës ka dhënë detaje rreth implementimit të platformës digjitale që do të bëhet në kryeqytet.

Përmes një postimi në Facebook, Komuna e Prishtinës njofton se platforma “E-shkollori” do të nis nga data 4 maj.

Njoftimi i plotë:

Të nderuar qytetarë të Prishtinës,

Sqarim për lajmin e digjitalizimit të shkollave në Kryeqytet, që do të fillojë të implementohet javën e ardhshme me 4 Maj.

Platforma elektronike “E-shkollori” është e dizajnuar dhe e zhvilluar ekskluzivisht për menaxhimin dhe administrimin e institucioneve edukative e arsimore në Komunën e Prishtinës.
Platforma ka për qëllim përkrahjen e përmirësimit dhe ngritjen e vazhdueshme të standardit të arsimit duke krijuar mundësi për gjithëpërfshirje dhe llogaridhënie të të gjitha komuniteteve që përbëjnë sistemin edukativo-arsimor në Prishtinë.

Jemi duke vazhduar me mësimin në distancë dhe po angazhohemi që këtë mundësi të u ofrojmë të gjithë fëmijëve pa dallim, duke iu siguruar pajisjet elektronike të nevojshme, atyre që nuk i kanë.

Vazhdojmë të qëndrojmë në shtëpi dhe të i zbatojmë të gjitha udhëzimet lidhur me masat mbrojtëse nga Instituti Kombëtar për Shëndet Publik.

#eshkollori 📚

#prishtina 💙

#rriNshpi 🏠